Halkan waxaan kuugu soo bandhigaynaa mowduuc faaido leh oo ku saabsan waxyaabaha ay muhiim tahay in gabadha uurka leh ay iska ilaaliso ama ay ka taxadarto.

Xiliga uurka waa waqti xasaasi ah oo gabadhu u baahantahay daryeel dheeri ah si loo ilaaliyo caafimaadka hooyada iyo ilmaha. Waxaa jira dhowr arrimood oo haweenka uurka leh ay tahay inay ka fogaadaan ama ay aad uga taxaddaraan.

1. Cunto aan nadiif ahayn ama si fiican aan loo karin

Cuntooyinka sida hilibka ceeriin, kalluunka qaarkiis, ukunta aan si fiican u bislayn iyo caanaha aan la karin waxay kordhin karaan khatarta infekshannada.

2. Cabitaannada khamriga

Khamrigu waxa uu sababi karaa waxyeello kobaca ilmaha, sidaas darteed waa in gebi ahaanba laga fogaadaa inta lagu jiro uurka. Inkastoo gabdhaha Soomaalidu aysan qamri cabin hadana waa talada ugu muhiimsan ee dhaqaatiirtu bixiyaan.

3. Sigaarka iyo meelaha qiiqu ka bayo

Sigaarka iyo qiiqa dad kale waxay kordhiyaan khatarta kobaca ilmaha, dhibaatooyinka neef-mareenka, iyo arrimo kale oo halis ah.

4. Daawooyinka aan dhakhtar kuu qorin

Daawooyinka qaarkood waxay saameyn xun ku yeelan karaan ilmaha; mar walba la xiriir dhakhtar ka hor intaadan qaadan wax daawo ah.

5. Shaqada culus ama qaadista waxyaabo aad u culus

Qaadista waxyaabo culus waxay kordhin karaan xanuunka dhabarka, daal badan, ama halis kale oo uurka wax u dhimaysa.

6. Kafee badan

Cabitaannada badan ee kafee ama shukulaatada aadka u badan waxay kordhin karaan garaaca wadnaha oo degdeg ah iyo hurdo la’aan; inta badan waxaa lagula talinayaa gabdhaha uurka leh in ay iska yareeyaan cabitaanka kafega.

7. Stress

Stress-ka joogtada ah wuxuu saameyn ku yeelan karaa caafimaadka hooyada iyo ilmaha; Waxaad u baahantahay in aad nasato, seexato in kugu filan.

8. Socodka ama safarada aadka u dheer

Safarka dheer adigoo oo aan nasan wuxuu keeni karaa barar, daal, ama xanuun lugaha ah; haddii aad safar u baxayso waa in aad heshaa nasiino joogto ah.

War helaa talo hela

Weydii Su'aal